Ministria e Mbrojtjes ka dhënë detaje lidhur me stacionimin e forcave të FSK-së në Turqi, për të ndihmuar në gjetjen e trupave pas tërmetit.
Në një postim në facebook, ministria ka bërë të ditur se ekipet e Forcës së Sigurisë së Kosovës janë vendosur në zonën Hatay.
Ministria ka theksuar se kontingjenti i FSK-së po realizon me sukses të lartë operacionin e kërkim-shpëtimit.
POSTIMI:
Kontingjenti ynë po realizon me sukses të lartë operacionin e kërkim-shpëtimit në Turqi pas tërmetit shkatërrimtar
Kontingjenti i FSK-së në Republikën e Turqisë, që nga orët e hershme të mëngjesit është duke operuar në provincën Hatay të Turqisë në mbështetje të autoriteteve turke për kërkimin dhe shpëtimin e jetërave të njerëzve nën gërmadha.
Specialistët e kërkim-shpëtimit urban dhe ekipet e mjekësisë emergjente dhe ata K9, të zbarkuar para dy ditësh në Republikën e Turqisë, me përkushtim dhe profesionalizëm të lartë janë duke zhvilluar operacionet e kërkim -shpëtimit në koordinim me autoritetet turke dhe ekipet e shpëtimit nga vende të ndryshme të botës.
Rajoni Hatay në Turqi ku po operojnë njësitet tona është rajoni më i goditur.