×
  • Lajme
  • Lajme / Kosovë

    Drejt fundit gjykimi për “53 milionëshin”, prokurori kërkon dënim maksimal për katër të akuzuarit

    Insajderi
    26 January 2024 - 14:20
    Klikoni Këtu për t'u bërë pjesë e kanalit zyrtar të Gazetës Insajderi në Viber.

    Prokurori Special, Valdet Gashi, në fjalën përfundimtare në rastin e njohur si “53 milionëshi”, ka deklaruar se pas administrimit të të gjitha provave është provuar në tërësi gjendja faktike e përshkruar si në aktakuzë.

    Ai ka kërkuar dënim maksimal për të pandehurit.

    “Kërkojmë nga Gjykata që të pandehurit të shpallen fajtorë për veprën penale që aktakuza i ngarkon, t’i dënojë me dënim maksimal”, ka deklaruar prokurori Gashi.

    Sipas aktakuzës së ngritur më 4 shkurt 2022 nga Prokuroria Speciale e Republikës së Kosovës, Pal Lekaj, në cilësinë e ministrit të Ministrisë së Infrastrukturës (MI), Eset Berisha, këshilltar i lartë politik i tij, Nebih Shatri, si sekretar  i Përgjithshëm në këtë ministri, në bashkëveprim dhe me dashje edhe me të pandehurin Besim Tahiri,  drejtor i Prokurimit Publik në MI, akuzohen për keqpërdorim të detyrës zyrtare me rastin e ndarjes së 53milionë eurove për konsorciumin “Bechtel &Enka”, për ndërtimin e autostradës Prishtinë – Hani i Elezit apo e njohur ndryshe si autostrada “Arbën Xhaferi”.

    Paraprakisht, në këtë seancë është administruar prova “Protokoll për zgjatjen e afatit për ndërtimin e autostradës Prishtinë-Hani i Elezit” e propozuar nga mbrojtja e Nebih Shatrit.

    Në këtë seancë pritet të japin fjalën përfundimtare edhe të akuzuarit Lekaj, Berisha, Shatri e Tahiri dhe mbrojtësit e tyre./BetimipërDrejtësi

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark