Grupe të rinjsh kosovarë në vitin 2017 filluan rrugëtimin e tyre drejt organizatave të ndryshme terroriste fetare siç ishte edhe ISIS-i.
Në atë kohë një valë e ekstremizmit fetar e përfshiu edhe Kosovën krahas vendeve të tjera, por që në vendin tonë sipas ekspertëve ekstremizmi më së shumti është fetar dhe nacionalist.
Për mënyrën e përhapjes së fenomenit, ku shqiptarët merrnin rrugën e u bashkëngjiteshin organizatave terroriste, kryeredaktori i Gazetës Insajderi dhe gazetari Visar Duriqi mendon se ndodhi në disa faza, duke i cilësuar imamët si përçuesit më të mëdhenj të kësaj ideologjie.
“Ajo çfarë njerëzit mendojnë është ekstremizmin e ka bërë interneti, në fakt interneti ka qenë një pjesë e vogël e ndikimit të shkuarjes së kosovarëve në ISIS. Pjesa më e madhe kanë qenë imamët dhe vehabitë, të cilët fazën e parë e kanë mbajt në takime të vogla, grupe të vogla që i kanë integruar e rekrutuar në ideologjinë vehabiste. Faza e dytë pastaj ka qenë, që para se të hapej interneti kanë qenë mp3 të vogël dhe CD, ligjëratat e tyre janë shpërndarë dorë pas dore në mp3, CD dhe fletushka të thjeshtëzume. Pra çështjet e kompleksit të Islamit, dhe vehabitë i kanë thjeshtëzuaar dhe i kanë bërë bardhë e zi. Ta ka shpjeguar krejt Akilin apo besimin në Islam në katër faqe fletushkë ose një ligjeratë një orëshe në CD e mp3.”, ka thënë Duriqi.
Duriqi, ka thënë se deri tek ky përshkallëzim i ekstremizmit në Kosovë faj kanë edhe partitë politike