23:39 - 14 Janar 2022

Është një kohë absolutisht e vështirë për karrierën e Pierre Emerick Aubameyang. Pasi humbi vendin e titullarit dhe shiritin e kapitenit te Arsenal, tani lojtari duhet të përballet me probleme të një natyre krejt tjetër edhe në kombëtare.

Para sfidës së Gabonit me Ganën në fazën në grupe të turneut, Federata e Gabonit bëri të ditur se lojtari nuk do të luante në këtë sfidë.Në komunikim thuhet se komisioni mjekësor i CAF, ose Konfederata Afrikane e Futbollit ka gjetur probleme në zemër për Aubameyang, por edhe lojtarëve të tjerë.

“Sipas komisionit mjekësor të Federatës, këta lojtarë nuk mund të marrin pjesë në ndeshje për shkak të problemeve që kanë lidhje me COVID pas infektimit. Testimet e tyre kanë prezantuar lëndime kardiake”, shkruhej në njoftimin për shtyp.