Prej disa ditësh, në mediat rozë po përflitet se këngëtarja e njohur shqiptare, Eleni Foureira është shtatzënë për herë të parë.

Mirëpo, lajmi është konfirmuar edhe nga partneri i saj, futbollisti Alberto Botia, i cili ka postuar disa foto, në të cilat shfaqen të dy buzë detit të përqafuar.

“+1”, ka shkruar ai duke iu referuar bebit që janë në pritje.

Eleni vendosi që lajmin e ëmbël ta konfirmojë përmes disa fotografive shumë të ëmbla ku ekspozon barkun e rrumbullakosur.

Foureira ka postuar një foto ku shihet e shtrirë me partnerin e saj, ish- futbollistin Alberto Botia.

33-vjeçari, Botia është një produkt i akademisë së Barcelonës dhe ka luajtur në sezonin 2009-2010 me katalanasit për të kaluar më pas në skuadra si Sporting, Sevilja dhe Elçe.

Kulmin e karrierës e ka arritur në Greqi me Olimpiakos, aty ku u njoh edhe me Foureiran.