×
  • Showbiz
  • Show / Showbiz

    E papritur/ Luiz Ejlli i gatshëm të lërë në mes lojën dhe të dalë nga BBV pas sherrit me Kiarën

    Insajderi
    28 February 2023 - 13:04

    Sherri që pati me Kiara Titon, ka bërë që Luiz Ejlli të deklarojë për të dashurën e tij se do të ishte i gatshëm që ta linte në mes lojën e Big Brother Vip.

    Kjo deklaratë e tij është dëgjuar në shtëpi dhe shpërndarë në rrjetet sociale gjerësisht. Në një moment, mbrëmjen e të hënës, Luizi i ka deklaruar Kiarës:

    “Ta dish që nga ky moment do jem i varur prej teje, kaq po të them, don me e lanë, ikim”.

    Debate të ashpra janë zhvilluar që pas të shtunës mes Luizit dhe Kiarës në shtëpinë e BBV, sa që për fansat është dukur sikur mes tyre po shkohet drejt një ndarje.

    Kiara ka qenë shumë e tensionuar pasi Luizi bëri që të prishte lojën, të cilën vajzat nëse do të fitonin do të merrnin avantazh. Kiara ka qenë gjatë gjithë ditës e tensionuar dhe ka qarë madje pasi Luizi e kishte mbështetur te lavamani dhe nuk e linte dilte.

    Ai i tha pak më parë Kiarës: E provove që i çoj njerëzit në limite, teksa kjo e fundit i thotë ik e mos hajde më.

    Pas situatës së krijuar në tualet, Kiara doli e përlotur në oborr ku pati një diskutim të ashpër me Luizin. Ajo i tha Luizit që një herë të vetme që i vjen mundësia të ketë një avantazh në lojë, ai nuk e lë atë të qetë.

    Ndërkohë, Luizi i tha Kiarës se nuk i bëri asgjë, as nuk e preku, po thjesht po qëndronte te lavamani. Ajo tha se nisi të qante sepse nuk po merte dot frymë dhe se pavarësisht kësaj, Luizi nuk e mori mundimin të largohej nga aty.

    Dikskutimi mes dyshesh vijoi edhe në dhomën e garderobës. Kiara i tha Luizi se ka nevojë për hapësirën e saj dhe se veprimi që ai bëri në tualet është i pafalshëm.

    Sipas Kiarës, nëse ajo do ishte në vendin e tij, nuk do sillej njëlloj, por do i jepte hapësirën e duhur që ai të fitonte.

    Luizi tha se Kiara po i “bie në qafë” kot atij. Ai madje shtoi se është normale që atë ta mbante në një cep të lavamanit.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark