Një ngjarje e rëndë është regjistruar në Greqi, ku një 25-vjeçare është mbajtur peng për 14 ditë dhe është përdhunuar nga një 29-vjeçar.

Sipas mediave të huaja, 25-vjeçarja u ankua se një 29-vjeçar me origjinë bullgare e mbajti atë për 14 ditë në shtëpinë e tij në një zonë të Kalkidës, ku sipas saj ai e përdhunonte.

Ndër të tjera, e reja tha se kur 29-vjeçari doli nga shtëpia ajo gjeti mundësinë për të telefonuar policinë.

Pas denoncimit të saj, policia arrestoi 29-vjeçarin i cili mohoi të gjitha akuzat. Ai pretendon se kreu marrëdhënie seksuale me 25-vjeçaren me dëshirën e saj dhe po ashtu ajo shkoi tek ai jo me “forcë”.