Sot në moshën 111 vjeçarja ndërroi jetë një ndër gratë më të moshuara të Kosovës, Xhezide Alija.

Në zgjedhjet e vitit 2021 Alija u bë e njohur për publikun pasi e njëjta u përmend nga Albin Kurti në fjalimin e fitorës së 14 shkurtit.

Sipas Kurtit, dita e zgjedhjeve do mbahej mend edhe për votimin e zonjës Alija.

Në një intervistë e moshuara e kishte pranuar se kishte votuar për Albin Kurtin “me zemer”.

“Na u kanë duktë ma të mirë, na e lypim njeriun e mirë”.

Po ashtu, ajo e kishte falënderuar se nuk e kishte harruar në mesin e mijëra njerëzve.

“E falenderoj sa mali e dushki, Allahu e nderoftë dhe e shpërbleftë. E sundofsh këtë vend me faqe të bardhë”, kishte thënë Alija.