17:58 - 14 Gusht 2022

Ekipi anglez Nottingham, ka shënuar fitoren e parë pas 23 vjetësh në Premier Ligë, duke e mposhtur West Hamin me rezultat 1-0.

Goli i vetëm i takimit u shënua në kohën shtesë të pjesës së parë ku Awoniyi realizoi për 1-0, që ishte edhe rezultati përfundimtar.

West Ham United e humbi një shans të artë për ta barazuar rezultatin, pasi fituan një penalti në minutën e 65-të të takimit, por Rice nuk u tregua i saktë nga pika e bardhë.