Bad News Eagles nesër (e martë) do të ndeshet kundër ekipit me lojtarët legjendarë, Imperial, në kuadër të turneut më të madh të CS:GO, PGL Antwerp Major.

Shpresat janë ende gjallë për ekipin shqiptar, pasi kanë edhe dy mundësi të tjera për t’u kualifikuar në fazën tjetër të turneut Major, i cili po mbahet në Antwerp të Belgjikës.

Ndeshja e tyre e radhës do të zhvillohet kundër legjendave nga Brazili, të cilët ishin fitues të dy turneve Major, FalleN, fer dhe fnx.

fida ndërmjet Bad News Eagles dhe Imperial do të zhvillohet nesër (e martë) duke filluar nga ora 12:00 në formatin ‘Bo1’, ku të dyja ekipet mbajnë serinë e ndeshjeve 1-1 (një fitore, një humbje).

Ndeshjen mund ta ndiqni në kanalet e PGL në platformat Twitch dhe Youtube, si dhe në kanalin zyrtar të streamerit Xhoci me komentim shqip.
Formacionet e të dy ekipeve:

Bad News Eagles

Flatron “juanflatroo” Halimi
Dionis “sinoppsyy” Budeci
Genc “gxx-” Kolgeci
Rigon “rigoN” Gashi
Sener “SENER1” Mahmuti

Imperial

Lincoln “fnx” Lau
Gabriel “FalleN” Toledo
Fernando “fer” Alvarenga
Ricardo “boltz” Prass
Vinicius “VINI” Figueiredo