13:52 - 13 Qershor 2021

Sulmi në zemër i Christian Eriksenit mori gjithë vëmendjen në ditën e djeshme në Kampionatin Evropian “Euro 2020”.

Mesfushori i Danimarkës pësoi sulm kardiak gjatë ndeshjes me Finlandën, derisa pas reagimit të shpejt të mjekëve, gjendja e tij tashmë është stabile, raporton FrontOnline.

Situatën e futbollistit danez të Interit e ka komentuar edhe këngëtari i mirënjohur kosovar, Blerim Muharremi i njohur ndryshe si Blero.

Blero që është ftuar mbrëmë si “analist” në RTV Dukagjini, ka zbuluar shkakun e kësaj që i ndodhi futbollistit.

“Erikseni është lojtari kryesor te Danimarka, ka të bëjë shumë me stres, sepse është umbrella e Danimarkës”, ka deklaruar ai.

“Ka pasur shumë media kundër Eriksenit, për faktin se ai është pjesë e Interit. Ai ka pasur shumë presion”, tregoi Blero.

“Unë mendoj se ka të bëjë shumë me stres dhe se e ka marrë afër zemrës”, tha këngëtari mes të tjerash.