×
Show

Eleni Foureira e thotë për herë të parë, jam shumë krenare të jem shqiptare – ndezë skenën e festivalit të RTSH-së

Insajderi
22 December 2019 - 22:41

Sonte (e diel) po mbahet nata finale e Festivalit të 58-të të Radio Televizionit Shqiptar, festival ky i cili e jep biletën për ta përfaqësuar Shqipërinë në Eurovision.

E vetëm pak minuta më parë në këtë skenë është ngjitur për herë të parë edhe këngëtarja e lindur në Fier të Shqipërisë, por që karrierën muzikore e ka nisur në Greqi, Eleni Foureira, shkruan Insajderi.

© RTSH – Eleni Foureira duke performuar

Ajo ka marrë emër kudo në Evropë fal pjesëmarrjes në Eurovison ku edhe ka arritur të rrëmbej çmimin e dytë në këtë festival të madhe evropian.

Foureira ka perfomuar disa nga këngët e saj më të mira, duke e lënë krejt në fund “Fuego-n”. Pas përfundimit të performancës është ndalur për t’i thënë disa fjalë.

© RTSH – Eleni Foureira duke performuar

Ajo ka përshëndetur nënën dhe gjyshin e saj të cilët thotë se po e shikojnë nga Vlora, derisa ka shpjeguar se sa krenare është që është shqiptare.

“Jam shumë krenare të jem shqiptare” – ka thënë Foureira e emocionuar, derisa ka kënduar edhe disa rreshta të këngës “Në një portokalle”.

© RTSH – Skena kur u performua “Fuego”

Kujtojmë që për këtë natë mes 12 këngëve dhe këngëtarëve finalistë, do të përzgjidhet edhe fituesi i Festivalit të Këngës në RTSH, që do të përfaqësojë Shqipërinë në Festivalin Evropian të Këngës, i cili për vitin 2020 do të mbahet në Hollandë.

/ © Insajderi – Review /

Shikoni perfomancën e saj më poshtë:

https://youtu.be/EZXcAddY92k

Klikoni Këtu për t'u bërë pjesë e kanalit zyrtar të Gazetës Insajderi në Viber.
OP-ED
Nga Rubrika

© 2016-2024 Gazeta Online Insajderi - Të gjitha të drejtat e rezervuara.

Impressum

Kontakt

Trademark