×
  • Lajme
  • Insajderi / Ballina 5

    Emisari britanik telefonon Vuçiqin, flasin për situatën në veri të Kosovës

    Insajderi
    07 June 2023 - 17:22

    Presidenti i Republikës së Serbisë, Aleksandar Vuçiq, ka biseduar në telefon me të dërguarin special të Britanisë së Madhe për Ballkanin Perëndimor, Sir Stuart Peach.

    Presidenti serb, në një postim në Instagram, ka thënë se me emisarin britanik ka pasur një bisedë përmbajtësore dhe të hapur për zhvillimet e fundit në Kosovë dhe situatën në rajon.

    “E falënderova për mirëkuptimin e tij për pozicionin tonë, si dhe për vlerësimin objektiv të situatës së re, dhe theksova se lëvizjet e njëanshme të Prishtinës po pengojnë rrjedhën e mëtejshme të bisedimeve, por se Serbia mbetet e vendosur në politikën e saj të ruajtjes së paqes dhe paqes dhe stabiliteti në rajon pavarësisht provokimeve”, ka thënë Vuçiq.

    Ndryshe, një javë më parë kryeministri i Kosovës, Albin Kurti, ka pritur në takim të dërguarin britanik për Ballkanin, Stuart Peach, me të cilin kanë diskutuar për situatën në veri.

    Siç ka njoftuar Ambasada Britanike në Kosovë, Peach gjatë takimit me kryeministrin Albin Kurti, ka thënë se veprimi i Qeverisë së Kosovës për të imponuar kryetarët e komunave në ndërtesat komunale me forcë nuk ishte i mençur, duke krijuar pasoja. 

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark