×
  • Lajme
  • Lajme

    Emri i presidentit, a do të dalë nga tryeza e partive politike?

    Insajderi
    03 December 2020 - 23:37

    Kryeministri Hoti ka paralajmëruar një tryezë që pritet t’i mbledhë të gjitha partitë politike për çështjen e presidentit

    Ka një muaj që postin e presidentit të Kosovës, po e ushtron kryetarja e Kuvendit.

    Vjosa Osmani po e ushtron këtë pozitë, pas dorëheqjes së ish presidentit Hashim Thaçi.

    Ndërkohë, që partitë politike ende nuk janë afër konsensusit për të zgjedhur dikë në këtë pozitë.

    E për të gjetur një zgjidhje për këtë çështje, kryeministri Avdullah Hoti ka paralajmëruar një tryezë që pritet t’i mbledhë të gjitha partitë politike.

    “Nuk jemi ulur në tryezën e partive politike për të parë së pari a ka vullnet të zgjidhet një president dhe nëse ka vullnet, cilat janë propozimet e partive politike. E dimë propozimin e AAK-së tash po duket edhe të PDK-së besoj në ditët e ardhshme do të organizohet kjo tryezë ta shohim se si mund të shkojmë… Është vështirë të them se vetëm në tryezë mund t’i gjejmë ato zgjidhje, besoj që në ditët e ardhshme mund ta dimë“ ka thene Avdullah Hoti, Kryeministër i Kosovës.

    Deri me tani vetëm Aleanca për Ardhmërinë e Kosovës ka nominuar zyrtarisht kandidatin e saj për postin e presidentit.

    Bëhet fjalë për Rmaush Haradinajn, ndërsa nga ky subjekt politik janë të prerë se nuk do të përkrahin kandidaturë të dikujt tjetër.

    Ndërkohë, Partia Demokratike e Kosovës që së fundmi ka bërë ne dije se do të përkrah Ligjin për Rimekëmbje Ekonomike, bëjnë me dije se nuk kanë ujdi me askë për postin e presidentit.

    Madje edhe kjo parti do të përkrah vetëm një kandidat të propozuar nga ta.

    Ndërkohë njohësit e rrethanave politike në vend vlerësojnë se prapa votave të PDK-së mund të fshihet përfshirja e saj në Qeveri apo edhe çështja e presidentit të Kosovës.

    Vjosa Osmani mund të ushtroj postin e presidentit për një periudhë gjashtë mujore.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark