Komisioni Qendror Zgjedhor (KQZ) është duke pritur aplikimin e partive politike për pjesëmarrje në zgjedhjet e 14 shkurtit.

Deri më tani asnjëhëra nga partitë më të mëdha në vend nuk e kanë bërë aplikimin e tyre, shkruan Gazeta Insajderi.

Valmir Elezi nga KQZ ka treguar se deri më tani kanë aplikuar 13 parti politike.

“Jemi duke pritur aplikimin e subjekteve politike për pjesëmarrje në zgjedhjet e 14 shkurtit. Deri në këtë kohë kemi pranuar aplikimin e 13 subjekteve politike, pra nga 9 parti politike, 1 koalicion dhe 3 iniciativa qytetare, me gjithsej 276 kandidatë”, ka treguar Elezi për Insajderin.