Përzgjedhësi i Zvicrës, Murat Yakin ka thënë se Izraeli është kundërshtari më i fortë në grupin I.

Por, përballja më e veçantë për Zvicrën siç ka thënë Yakin do të jetë ajo ndaj Kosovës.

“Mendoj se Izraeli është kundërshtari më i fortë në grup. Sigurisht që kemi shumë miq kosovar, mezi po e presim duelin. Është grup i kalueshëm”, ka thënë Yakin, raporton “20min.ch”.

Dy ndeshjet kundër Kosovës do të jetë shumë të veçanta për lojtarët e të dyja përfaqësueseve që kanë lidhje shumë të veçantë me dy vendet. Në njërën anë Xherdan Shaqiri dhe Granit Xhaka kanë rrënjët nga Kosova, ndërsa Kosova ka disa lojtar që janë rritur në Zvicër.