×
  • Lajme
  • Botë
  • Lajme / Botë

    “Faleminderit, Amerikë!”: Reagon Zelensky, pasi Dhoma e Përfaqësuesve e SHBA-së miraton “paketën e madhe” për Ukrainën

    Insajderi
    20 April 2024 - 21:39
    Klikoni Këtu për t'u bërë pjesë e kanalit të Insajderit në Youtube.

    Presidenti ukrainas Volodymyr Zelensky sapo ka postuar një deklaratë në X, duke përshëndetur miratimin e ndihmës prej 60,8 miliardë dollarësh nga Dhoma e Përfaqësuesve e SHBA-së.

    Ai ka shkruar: “I jam mirënjohës Dhomës së Përfaqësuesve të Shteteve të Bashkuara, të dyja palëve dhe personalisht Mike Johnson për vendimin që e mban historinë në rrugën e duhur”.

    “Demokracia dhe liria do të kenë gjithmonë rëndësi globale dhe kurrë nuk do të dështojnë për sa kohë që Amerika ndihmon për ta mbrojtur atë”, ka shkruar më tej Zelensky.

    Sipas tij, “Ligji vital i ndihmës së SHBA-së i miratuar sot nga Dhoma e Përfaqësuesve do të pengojë zgjerimin e luftës, do të shpëtojë mijëra e mijëra jetë dhe do të ndihmojë të dy kombet tona të bëhen më të fortë”.

     “Vetëm paqja dhe siguria mund të arrihen vetëm me forcë. Shpresojmë që projektligjet të mbështeten në Senat dhe të dërgohen në tryezën e presidentit (Joe) Biden. Faleminderit, Amerikë!”, ka thënë më tej Zelensky.

    Ndryshe, demokratët dhe republikanët u bashkuan pas muajsh bllokimi mbi mbështetjen e ripërtërirë amerikane për të ndihmuar Ukrainën të shmangë pushtimin rus.

    Presidenti i SHBA-së, Joe Biden kërkoi për herë të parë financimin në tetor, pasi furnizimet ushtarake të Ukrainës filluan të pakësohen.

    Paketa tani do të shkojë në Senatin amerikan, ku ka të ngjarë të miratohet të martën. Zoti Biden më pas ka premtuar se do ta nënshkruajë atë menjëherë. /VOA/

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark