Të gjithë në Ibiza! Kryeqyteti i futbollit veror ku takohen lojtarët me të dashurat, gratë dhe fëmijët. Nga Messi te Lautaro Martinez, nga Di Maria te Chiesa dhe De Ligt.

Mbrojtësi holandez De Ligt është në qendër të thashethemeve të merkatos. Ai, mund t’i thotë lamtumirë Juventusit dhe të transferohet te Chelsea. Ndërkohë, ylli i prapavijës së klubit të njohur dhe partnerja e tij Annekee po shijojnë pushimet, diellin dhe dashurinë.

Çifti, i cili verërat e mëparshme ishte gjendur në Sardenjë me de Vrij dhe të dashurën e tij Doina, këtë herë i bënë pushimet me dyshen e re bardhezi: Federico Chiesa dhe modelen Lucia Bramanti.

Selfie dhe buzëqeshje. Të gjithë janë në pritje për të kuptuar se çfarë do të ndodhë me mbrojtësin e torinezëve këtë merkato.