Laura Fazliu e ka fituar medaljen e artë në Lojërat Mesdhetare “Oran 2022”.

Në garat që po mbahet në Algjeri, sportistët nga Kosova vazhdojnë shkëlqimin.

Pas medaljeve të Distria Krasniqit, Flaka Loxhës e Shpëtim Bajokut, radha tani është për Fazliun.

Fazliu në finale ka mposhtur xhudisten nga Spanja, Perez Cabana për ta fituar medaljen e artë.

Ndryshe, Fazliu garon në kategorinë deri në 63 kilogramë.

Pas saj, tani radha është për Akil Gjakovën që ta fitojë medaljen e bronztë.