Nuk kanë të mbaruar telashet për kryeministrin britanik, Boris Johsnon. Kjo sigurisht për faj të tij. Policia britanike ka nisur një hetim për festat e mbajtura në kryeministri gjatë pandemisë koronavirus, në një kohë kur grumbullimet ishin të ndaluara.
Hetuesia tha se policia po kontrollon për “shkelje të mundshme të rregullave anti-covid” gjatë dy viteve të fundit. Ajo shtoi se policia do ta bëjë punën e saj pa ndonjë frikë apo favor dhe se do të japë përditësime të ndryshme në disa periudha të hetimit.
Nisja e investigimit vjen pas raportimeve të fundit se kryeministri Johnson festoi datëlindjen e tij në dhomën e mbledhjeve të qeverisë më 19 qershor. Doëning Street nuk mohon mbajtjen e festës, ndërsa thekson se Boris Johnson qëndroi aty për më pak se 10 minuta.