Kombëtarja e Ukrainës ka prezantuar dje (e marte) fanellat me të cilat do të paraqitet në ndeshjet e ardhshme.

Në këto fanella është vërejtur një detaj tejet interesant.

Gjegjësisht, në këto fanella janë të vendosura flamujt e shteteve që mbështesin Ukrainën në luftën ndaj Rusisë.

Aty ndodhet edhe flamuri i Kosovës, veprim i cili nuk iu ka pëlqyer aspak serbëve, sidomos medieve.

“Provokim ndaj Serbisë. Ukraina e vendos flamurin e shtetit të ashtuquajtur të Kosovës në fanellën e re!?”, shkruan portali serb “Novosti Online”, duke vazhduar:

“Ajo që është interesante është se Ukraina nuk e njeh shtetin fals të shpallur në territorin e provincës jugore serbe”.

Ukraina do të luajë kundër Skocisë në fazën play-off të Kupës së Botës. Dueli është caktuar për 1 qershor në ora 20:45 dhe fituesi do të kualifikohet në botërorin e Katarit.