Federata Shqiptare e Futbollit ka reaguar pas incidentit të shumëfolur për vjedhjen e dyqanit të saj në zonën e “Fun Zonë”, në Sheshin Nënë Tereza.

Të shtunën u raportua se ishin vjedhur më shumë se 150 bluza të kombëtares pas thyerjes së dyqanit, por sipas Federatës këtu kemi të bëjmë me një keqinformimin.

Sipas FSHF dy adoleshentë kanë vjedhur dy bluza të Kombëtares të cilat kanë qenë të ekspozuara në dyqanin Nënë Tereza.

“Dy autorët janë kapur shumë shpejt nga forcat e shërbimit security ARB në Fan Zone. Edhe nga bilanci menjëherë pas inventarit, konfirmohet e njëjta sasi objekt i këtij veprimi të dy adoleshentëve të cilët me sa duket nënvlerësuan rëndësinë dhe pasojat e idesë së tyre “guximtare”” – thuhet në njoftimin e FSHF-së. /Insajderi