Qytetari nga Fushë Kosova nuk furnizohet nga Ujësjellësi, por faturohet nga ai 900 euro – Insajderi
×
  • Lajme
  • Lajme

    Qytetari nga Fushë Kosova nuk furnizohet nga Ujësjellësi, por faturohet nga ai 900 euro

    Insajderi
    06 July 2019 - 19:52
    Klikoni Këtu për t'u bërë pjesë e kanalit të Insajderit në Youtube.

    Behram Zogjani nga fshati Grabovc i Ulët i Fushë Kosovës Furnizohet me ujë të pusit që nga paslufta.

    Megjithatë, ai ka një borxh prej 900 eurove në Ujësjellës.

    Siç raporton T7, edhe pse nuk i shfrytëzon shërbimet e kësaj kompanie, atij i janë mbledhur faturat e ujit.

    E, vlera e tyre për një muaj kap shifrën prej një eurosh.

    Për shkak të këtij borxhi ky plak mund të mbetet pa pensionin e tij, me të cilin edhe mbijeton pasi që lënda për mosshlyerjen e borxhit, i ka përfunduar në përmbarues privat.

    E në Ujësjellës e pranojnë se një pjesë e fshatit Grabovc i Ulët nuk ka ujë të mjaftueshëm, por sipas tyre, banorëve i është faturuar uji që ata kanë përdortë, sado pak që ka qenë.

    Remzi Llumnica, menaxher i njësisë së Ujësjellësit-Fushë Kosovë, thotë se Zogjani nuk i është përmbajtur kontratës për shlyerjen e borxhit, për atë i është faturuar kjo shumë.


    OP-ED
    Nga Rubrika
    x

    © 2016-2025 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark