Lapsuset kanë qenë të shpeshta për Presidentin e SHBA-së, Joe Biden, i cili është bërë viral në shumë media nëpër botë. Rasti i fundit ishte kur ai vizitoi qytetin e shkatërruar nga tornadoja Rolling Fork në Mississippi.

Ai ishte me gruan në këtë qytet, pasi ishte goditur nga moti i ligë, ku si pasojë humbën jetën të paktën 26 persona.

Në fjalën e tij përpara të pranishmëve, Biden pavetëdije tha se gjendet në Rolling Stone, duke iu referuar kështu grupit rok legjendar në vend se të thoshte Rolling Fork.

“Po bëjnë të pamundurën që të kenë vend për të fjetur, ushqim dhe do t’ju ndihmojë ta rindërtoni jetën në Rolling Stone. E gjitha kjo ndodhi me vullnetin e Zotit. Qyteti Rolling Stones do të rikthehet dhe do të jemi me ju në çdo hap”, tha Biden.