Drejtori i Albanian Post, Baton Haxhiu, ka shkruar se “Osmani u pre në brisk për tu bërë presidente HOT”.
Këto komente seksiste, Haxhiu që njihet për afërsinë e tij me ish-presidentin Hashim Thaçi, i ka bërë në një shkrim të cilin e ka publikuar në portalin e tij.
Artikulli me titull “Valdrin Sahiti for President” nis me paraqitjet e dikurshme “pa shije”, siç ka shkruar Haxhiu të njerëzve të Albin Kurtit.
“Me flokë të pakrehura, herë me xhemper të pashije vija-vija, herë me këmisha të pahekurosur pa pedanteri minimale, Albin Kurti i mësonte të tijtë se ‘kravata është simbol i ndarjes klasore’. Një qëndrim i tillë, sikurse edhe shumë të tjera të Albin Kurtit, është aq palidhje sa nuk meriton vëmendje të mëtejshme këtu”, shkruan ai.
Shkrimi vazhdon në këtë linj, deri kur del tek çështja e peshës së presidentes.
“Vjosa Osmani shkoi e u pre në brisk të kardiologëve më të zgjedhur të Turqisë për të hequr kilogramët e tepërt. Pra, mos të jetë vetëm Presidente me votë të tregtuar edhe nga Adelina Grainca, por edhe një Presidente ‘HOT’. Jo rastësisht, lartë e poshtë nëpër studio televizive, ka filluar ta citojë edhe Dafina Zeqirin: “llafe-llafe”, a si ishte ajo kënga”, shkruan tutje Haxhiu.