Presidenti i Malit të Zi, Millo Gjukanoviq, ka thënë se nuk ka “anti-serbizëm” në pikëpamjet e tij, por se është kundër politikave të Serbisë së Madhe, shkruan Insjaderi.
“Jo vetëm që anëtarë të familjes sime të gjerë jetojnë në Beograd, por edhe një numër i madh miqsh. Nuk kam shkuar atje sepse s’ka pasur nevojë politike. E kam formuluar shumë qartë, tek unë s’ka anti-serbizëm në të gjithë Malin e Zi. Jemi miq me Serbinë”, tha presidenti malazias.
Gjukanoviq tha se është “kundër politikave të Serbisë së Madhe, kur Serbia ka nevojë të rregullojë jetën e serbëve jashtë Serbisë”, e cila sipas mendimit të tij, “prish marrëdhëniet ndërshtetërore” dhe atë jo vetëm me Malin e Zi.
Duke folur për marrëdhëniet me Presidentin e Serbisë, Aleksandar Vuçiq, ai tha se i ka korrekte, por se nuk ështl i afërm si dikur, “në rend të parë për shkak të ndryshimit të kursit të Serbisë në rajon”, siç e citoi televizioni publik malazias.
“Kurrë nuk e kemi mbajtur heshtur. Në një darkë në Jerusalem, ne mbuluam atë temë deri në hollësi, atëkohë temën e historisë së Kishë në Serbi…E njëjta politikën nga Beogradi vazhdoi dhe çoi në një distancim, por jo armiqësi”, tha presidenti malazias që kandidon edhe për një mandat tjetër presidencial./Insajderi/