Richard Grenell, ish-i dërguari i posaqshëm i Shteteve të Bashkuara të Amerikës (ShBA), për dialogun Kosovë – Serbi, ka komentuar zhvillimet e fundit në Kosovë lidhur me konfirmimin e njohës së pavarësisë së Kosovës nga ana e Izraelit.
Grenell, ka kritikuar liderin e Lëvizjes Vetëvendosje, Albin Kurti lidhur me këtë çështje, duke e quajtur anti-amerikan, përcjell Gazeta Insajderi.
Përmes një postimi në llogarinë e tij në Twitter, Grenell ka shkruar se Kurti gjithmonë ka qenë kundër politikave të Amerikës.
“Kreu i ri antiamerikan i krahut të majtë të Kosovës Albin Kurti ka qenë kundër politikave të SHBA të sugjeruara nga Bill Clinton, George Bush, Barack Obama dhe Donald Trump. Ai është gjithmonë anti-amerikan. Ekipi i Biden duhet ta ndalojë këtë”, ka shkruar Grenell.
Këtë koment Grenelli e ka bërë pasi e ka shpërndarë një artikull të gazetës izraelite “Haaretz”, me titull “Nën presionin nga Turqia, Kosova mund të rrëzojë vendimin për të hapur ambasadën e Jeruzalemit”. /Insajderi.org