Fitore Mangjolli, Antigona Rraci- Berisha, janë vetëm disa nga punësimet e fundit të Komunës së Skenderajt. Të gjithë këta emra lidhen me partinë në pushtet në Komunën e Skenderajt PDK-në, shkruan Insajderi.

Alban Berishës i cili është Drejtor Për Kulturë Rini dhe Sport në Skenderaj tashmë i është punësuar edhe gruaja si mësuëse po në këtë komunë.

Punësimin e saj e dëshmon edhe dokumenti më poshtë ku bëhët e ditur se ajo do të jetë arsimtare e Edukimit Fillor.

Gazeta Insajderi ka kontaktuar edhe me Drejtorin e Kulturës për Rini dhe Sport, Alban Berishën por i njëjti tha qe nuk ka pasur ndikim që gruaja e tij të punësohet.

“Nuk kam pasur ndikim asnjëherë ajo është përzgjedhur me meritë të plotë”, tha Berisha.

Por, punësimet partiake nuk janë ndalur këtu pasi që në vendimin e 13 shtatorit  të marrur nga Komuna e Skenderajt përfituan ish- asamblistja e PDK-së, Fitore Mangjolli e cila u punësua si mësuese e Gjuhës Shqipe.

Mangjolli po ashtu ishte punësuar si Asistente Administrative në Ministrinë e Infrastrukturës gjatë kohës kur vendi ishte në udhëheqjen e PDK-së.

Gazeta Insajderi ka provuar të kontaktojë edhe me Komunën e Skenderajt por deri në momentin e publikimit të këtij shkrimi nuk kanë kthyer përgjigje.