Deputeti i PDK-së, Bekim Haxhiu ka komentuar vendimin e gjykatës për t’ia caktuar masën e paraburgimit prej 30 ditësh pjesëtarit të FSK-së, Azem Kurtaj. Kurtaj dyshohet se i plagosi dy të rinj serbë të premten në Shtërpcë.
Këtë vendim ai e ka krahasuar me vendimin për lirimin në arrest shtëpiak të Dejan Pantiq, ish-policit serb i dyshuar për sulm terrorist ndaj institucioneve.
“Ish-policit Dejan Pantiq që akuzohet se plagosi policin e Kosovës, iu caktua masa arrest shtepiak.Azem Kurtaj pjesëtar i FSK-së akuzohet se plagosi dy qytetarë serbë, i caktohet masa e arrestit me burg.# Krejt dhe drejt#Barazi dhe drejtësi”, ka shkruar Haxhiu në Facebook.