Deputeti i Partisë Demokratike të Kosovës, Bekim Haxhiu, në rastin e Ditës Botërore të Luftës Kundër Kancerit, ka shkruar një reagim në Facebook-un e tij ku tha se në këtë ditë Kosova gjendet pa drejtor të Onkologjisë dhe në mungesë të 12 barnave për trajtim të kancerit, transmeton Insajderi.
Në Onkologji, siç thotë Haxhiu, mungojnë 25 deri në 30 për qind të barnave nga Lista Esenciale për trajtim të kancerit.
Reagimi i Haxhiut:
Dita Botërore e luftës kundër kancerit Kosovën e gjenë pa drejtor tē Onkologjisë dhe me mungesë të 12 barnave për trajtim të kancerit.
Drejtori i Klinikës së Onkologjisë, Dr.Arben Bislimi ka dhënë dorëheqje ditë më parë, ndërsa në Onkologji mungojnë 25 deri 30% e barnave nga Lista esenciale per trajtim të kancerit.
Në vitin 2022 në SHSKUK nga buxheti i barnave tepruan 1.3 milionë euro, ndërsa pacientët me kancer detyrohen të hyjnë në borxhe, për të siguruar ilaçet.
Klinika e Onkologjisë ishte storie suksesi për trajtim të pacientëve edhe gjatë pandemisës COVID-19, sot është për keqardhje se si ka degradu.