Gjatë mëngjesit të djeshëm një 22-vjeçar nga Vushtrria kishte humbur kontrollin mbi veturën e tij dhe më pas nga lëndimet e marra kishte ndërruar jetë.
Sipas një njoftimi të Policisë së Kosovës thuhet se viktima ka ndërruar jetë rreth orës 15:50 në Qendrën Klinike Universitare të Kosovës (QKUK), raporton Gazeta Insajderi.
“Dje rreth orës 15:50, të datës 22 dhjetor 2020, nga Qendra Klinike Universitare Prishtinë, është raportuar se i lënduari në aksident trafiku I. D., 22 vjeçar, që ishte në tretman mjekësorë ka ndërruar jetë”, thuhet në njoftim.
Sipas policisë rasti në fjale është kualifikuar si ‘Shkaktim i rrezikut të përgjithshëm, Asgjësim apo dëmtim i pasurisë’ ndërsa trupi i pajetë i viktimës është dërguar për obduksion.
“Aksidenti ka ndodhur me datën 22 dhjetor 2020, në ora 10:05 në rrugën “Ajet Gërguri” Vushtrri, ku vozitësi humb kontrollin mbi veturën dhe shkakton vet-aksident”, ka treguar policia. /Insajderi.org