×
  • Lajme
  • Insajderi / Insajderi

    I ndërrohet emërtimi Asociacionit, të hënën instituti gjerman “FES” publikon draft-statutin

    Insajderi
    25 January 2023 - 16:23

    Instituti gjerman “Friedrich Ebert Foundation” ka njoftuar se të hënën (30 janar) do të shpalosë publikisht draft-statutin e Asociacionit të Komunave me Shumicë Serbe, ndonëse në njoftim është riformuluar emërtimi si “Asociacioni i Komunave në Republikën e Kosovës ku Komuniteti Serb i Kosovës është Shumicë”.

    Në thirrjen për shpalosjen e draft statutit të Asociacionit, shkruhet se “Fondacioni Friedrich Ebert (FES) në Prishtinë ka kënaqësinë t’ju ftojë në ngjarjen publike ku do të prezantojmë dhe diskutojmë rezultatet e punës sonë në draft-statutin për ‘Asociacionin e Komunave në Republikën e Kosovës në të cilin Komuniteti Serb i Kosovës është në Shumicë’, hartuar në partneritet me Institutin Evropian për Paqe (EIP)”.

    Kujtojmë se në Marrëveshjen e Brukselit kësaj marrëveshja pala kosovare i referohej si “Asociacioni i Komunave me Shumicë Serbe” ndërsa pala serbe si “Asociacioni i Komunave Serbe (ZSO – Zajednica srpskih opština), shkruan Insajderi.

    “Vitin e kaluar, ne bashkuam forcat me Institutin Evropian të Paqes (EIP) dhe organizuam një seri të përbashkët të punëtorive në vitin 2022 mbi çështjet e pazgjidhura të normalizimit ndërmjet Kosovës dhe Serbisë. Nëpërmjet këtyre punëtorive kemi diskutuar dhe trajtuar çështjet dhe sfidat më urgjente lidhur me zbatimin e marrëveshjes së parë për normalizimin e marrëdhënieve ndërmjet Kosovës dhe Serbisë, e cila i ka paraprirë hartimit të Statutit. Puna është produkt i partneritetit midis dy organizatave tona dhe nuk përfshin asnjë palë të tretë. Procesi i hartimit të statutit përfshinte konsultime me ekspertë, akademikë dhe profesionistë që punonin ose përfshiheshin në dialogun e Brukselit”, thuhet në njoftim.

    “Prandaj, në një mjedis shumë të instrumentalizuar politikisht, publikimi duhet parë më tepër si një pikënisje për një kontribut të bazuar në prova. Puna jonë u drejtua vetëm nga motivimi për të kontribuar në fillimin e një diskutimi publik thelbësor dhe ofrimin e rekomandimeve tona të formuara përmes ekspertizës së duhur vendore dhe ndërkombëtare – siç kemi bërë në të kaluarën për çështje të ndryshme politike dhe socio-ekonomike”, thotë njoftimi.

    Në thirrjen për shpalosjen e draft statutit të Asociacionit, shkruhet se “Fondacioni Friedrich Ebert (FES) në Prishtinë ka kënaqësinë t’ju ftojë në ngjarjen publike ku do të prezantojmë dhe diskutojmë rezultatet e punës sonë në draft-statutin për ÇAsociacionin e Komunave në Republikën e Kosovës në të cilin Komuniteti Serb i Kosovës është në Shumicë’, hartuar në partneritet me Institutin Evropian për Paqe (EIP)”.

    “Vitin e kaluar, ne bashkuam forcat me Institutin Evropian të Paqes (EIP) dhe organizuam një seri të përbashkët të punëtorive në vitin 2022 mbi çështjet e pazgjidhura të normalizimit ndërmjet Kosovës dhe Serbisë. Nëpërmjet këtyre punëtorive kemi diskutuar dhe trajtuar çështjet dhe sfidat më urgjente lidhur me zbatimin e marrëveshjes së parë për normalizimin e marrëdhënieve ndërmjet Kosovës dhe Serbisë, e cila i ka paraprirë hartimit të Statutit. Puna është produkt i partneritetit midis dy organizatave tona dhe nuk përfshin asnjë palë të tretë. Procesi i hartimit të statutit përfshinte konsultime me ekspertë, akademikë dhe profesionistë që punonin ose përfshiheshin në dialogun e Brukselit”, thuhet në njoftim.

    “Prandaj, në një mjedis shumë të instrumentalizuar politikisht, publikimi duhet parë më tepër si një pikënisje për një kontribut të bazuar në prova. Puna jonë u drejtua vetëm nga motivimi për të kontribuar në fillimin e një diskutimi publik thelbësor dhe ofrimin e rekomandimeve tona të formuara përmes ekspertizës së duhur vendore dhe ndërkombëtare – siç kemi bërë në të kaluarën për çështje të ndryshme politike dhe socio-ekonomike”, thotë njoftimi./Insajderi/

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark