Gjashtë persona të dyshuar për fajde ranë në prangat e Policisë së Kosovës të enjten. Në rajonin e Gjakovës u arrestua vetëm një person.
Gazeta Sinjali, bazuar në burime brenda organeve të sigurisë, raporton se i arrestuari në Gjakovë është Rrok Bezhi.
Sipas Policisë, ai është kapur dje në flagrancë, rreth orës 14:0, në Gjakovë.
Gjatë arrestimit te i dyshuari, Policia ka njoftuar se janë gjetur mjete financiare – para të gatshme të cilat viktima i kishte paguar këste për fajde. Po ashtu nga i dyshuari në cilësi të provave materiale janë sekuestruar 10.000 (dhjetëmijë) euro para të gatshme, një veturë dhe një telefon.
I njëjti, me vendim të prokurorit është dërguar në mbajtje për 48 orë.
Ndërkohë Sinjali mëson se gjatë ditës do të bëhet kërkesa për paraburgim ndaj tij, si i dyshuar për fajde dhe detyrim.