Gazetari i shëndetësisë, Bujar Vitija ka dhënë detaje të tjera për mjekun, Iljasa Fazliu, që abuzoi me 3 vjeçaren.

Sipas Vitisë, logopedi kishte pasur më herët. E jo që nuk u dënua, por Shërbimi Spitalor Klinik e bëri atë shef të logopedëve.

“Iljasa Fazliu nuk e ka sefte me rastin e 3-vjeçares, sjellje te ngjashme ka pasur ne te kaluarën edhe ndaj kolegeve ne klinike. Pavarësisht kësaj ai emërohet shef në ketë shërbim nga ud. drejtoresha e SHSKUK, te cilin vendim e merr vetëm nje muaj pasi u be vet ud. Dhe kur pyetet për ketë përgjigjet me “Tung”. Kjo është shqetësuese se kah po shkon institucioni i SHSKUK-se?! Kah ja keni qit rrethin kështu? A ju ka dal darësh e po e mbroni gabimin e juaj!” – shkroi ai.

Ndryshe, Gazeta Insajderi sot ka publikuar video incizimin e logopedit, Iljasa Fazliu teksa e keqtrajton një vajzë të mitur në ordinancën e tij AAR logo + në Gjilan. Insajderi ka mësuar se familja e vajzës kishin paguar 250 euro për vetëm dy seanca po atë ditë.

Nëna e pesë vjeçares kishte disa herë që po e dërgonte vajzën në atë ordinancë, pas disa seancave nëna kishte vërejtur se vajza e saj nuk kishte aspak përmirësim madje gjendja e saj vetëm sa përkeqësohej.

Ajo dyshoi në keqtrajtim nga stafi i ordinancës, ku me këtë rast familjarët e incizuan njërën nga seancat aty. Në videon e siguruar nga Insajderi logopedi, Fazliu dëgjohet duke e sharë e ofenduar vajzën e mitur pa pushim.