×
  • Lajme
  • Insajderi / Insajderi

    Imami i Xhamisë në Miradi të Epërme: U sulmova fizikisht nga disa persona të panjohur

    Insajderi
    02 April 2023 - 08:23

    Imami i Xhamisë në fshatin Miradi e Epërme në Fushë Kosovë, Ali Ismaili, përmes një postimi në Facebook, ka thënë se është sulmuar fizikisht nga disa persona të panjohur.

    Ai është shprehur se ka pasur edhe kërcënime të mëhershme dhe sipas tij, tani janë konkretizuar me sulme fizike.

    “Para disa minutave, pasi përfundoi namazi i Teravive në Miradi të Epërme, aty ku jam edhe Imam i xhamisë në dalje të fshatit u sulmova fizikisht nga disa persona të panjohur, nga një veturë pikap pa tabela. Siç duket kërcënimet e mëhershme nuk paskan marrë fund dhe përveç kërcënimeve, tani dikush ka vendosur që t’a konkretizojnë edhe me sulme fizike”, ka shkruar ai.

    Tutje, Ismaili u ka bërë thirrje organeve të rendit që ta hetojnë rastin.

    “Unë nga pozita e Kryesuesit të Kuvendit të Komunës dhe nga pozita e Imamit të Xhamisë në Miradi të Epërme, nuk i kam borgj askujt dhe gjithmonë punën time e kam kryer dhe do t’a kryej me ndershmëri dhe përgjegjësi të plotë. Sulmet dhe kërcënimet e tilla nuk më frikësojnë dhe nuk më ndalin në kryerjen e obligimeve të mia karshi qytetarëve. I bëj thirrje organeve të rendit që këtë problem t’a hetojnë dhe t’a parandalojnë institucionalisht, sepse sot nuk u realizua, por nesër mund të ndodhë diçka edhe më e keqe”, ka shkruar tutje ai.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark