Italia është shpallur kampione e re e kontinentit të vjetër, Evropës.

Në finalen e sontme të Kampionatit Evropian “Euro 2020”, u përballën Italia dhe Anglia.

Ndeshja që u zhvillua në “Wembley”, nuk u vendosë në kohën e rregulltë, por as në vazhdime, dhe u deshën penalltitë për ta caktuar kampionin e ri të Evropës.

Në 90 minuta lojë, ndeshja u mbyll me rezultat 1:1.

Fillimisht, Luke Shaw realizoi 0:1 për Anglinë në minutën e dytë, kurse, Italia barazoi me Leonardo Bonuccin në minutën e 67-të.

Në vazhdime, të dyja skuadrat kishin raste ideale për shënim, por nuk ia dolën.

Kurse, në penallti, italianët fituan me rezultat 3:2.