Përnga sasia importuan më pak naftë, por nga të hyrat buxhetore gjeneruan më shumë prej saj. Një kundërthënie të tillë ia shpaloi Qeverisë, ish-ministri i financave, Avdullah Hoti, shkruan Insajderi.
Duke ngrerë “mosmençurinë”, siç e quan ai, të politikave fiskale të qeverisë, ai tregon se këto të hyra do të mund të ishin në buxhetin e familjeve e jo duke u zvhleftësuar në bankat e qeverisë nga inflacioni.
Reagimi i Hotit:
Ja sa të mençura janë politikat fiskale të qeverisë në kulmin e krizës sociale nga rritja e çmimeve.
Gjatë vitit 2022, krahasuar me 2021:
● Sasia e importuar e naftës është ulur me -6.39%,
● Por të hyrat buxhetore nga akciza dhe TVSh-ja në naftë janë rritur me +88%, ose 283 mil euro më shumë (2021 = 321 mil euro, kurse 2022 = 604 mil euro).
Sikur të ulej TVSh-ja në 8% siç patëm propozuar, këto 283 mil euro do të ishin në buxhetin e familjeve, e jo në llogarinë bankare të qeverise ku po i zhvlerëson inflacioni. Këta as nuk i shpenzojnë vetë mjetet e mbledhura nga tatimet, e as nuk ua lënë qytetarëve t’i shpenzojnë aty ku kanë nevojë.
[të dhant nga Instituti GAP, të cilin e përgëzoj për analizat e vazhdueshme me shumë interes për politikbërje]./Insajderi/