Derbi i madh madrilen mes Atletico Madridit dhe Real Madridit fundjavën e kaluar u shënua nga skena jo edhe aq të bukura.

Ndeshja, e cila përfundoi me fitoren e vështirë të Atleticos (1:0), e cila i ndihmoi ata përfundimisht të “shkëputen” në vendin e katërt që çon në Ligën e Kampionëve për sezonin e ardhshëm, u “pikturua” edhe nga tifozët e tij të cilët provokuan Andriy Lunin, i cili bëri debutimi i tij në portën e Realit.

Trajneri Carlo Ancelotti u dha një shans shpresave më të reja të “mbretërve”, ndër të cilët ishte portieri ukrainas, i cili u përball me thirrje të shumta fyese. Mbështetësit e Atleticos donin ta shpërqendronin Luninin, duke i bërtitur “të luajë atje ndërsa vendi i tij po qan”.

Ata i thanë se duhet t’i mbledhë gjërat dhe të shkojë në vendin e tij dhe ta mbrojë atë.

Mediat spanjolle theksojnë se bëhet fjalë për një pakicë tifozësh, por që pavarësisht gjithçkaje u dëgjua mjaft qartë, për çka pjesa tjetër e stadiumit reagoi me fishkëllima të forta, transmeton Demokracia.com.

Nuk dihet ende nëse La Liga do të vendosë të marrë masa të caktuara kundër Atletico Madridit dhe nëse do të përcaktojë një lloj dënimi në përputhje me rregulloret për ndalimin e dhunës në ngjarje sportive.

Vihet re se Lunin nuk është tronditur shumë nga ngjarjet në tribunë, pasi pas ndeshjes iu afrua gruas së tij që ishte në rreshtat e parë dhe e puthi.