23:29 - 22 Janar 2023

Juventusi mori vetëm një pikë në ndeshjen e parë pas dënimit të rëndë që iu dha. Të dielën mbrëma, Juve luajti 3:3 me Atalantan. Ndeshja i takoi xhiros 19-të të Serie A.

Juventusit të premten iu morën 15 pikë për shkak të parregullsive. Dhe fillimi i ndeshjes të së dielës po ashtu ishte negativ për skuadrën nga Torino.

Që në minutën e katërt, Atalanta kaloi në epërsi. Ademola Lookman shënoi për 1:0. Angel Di Maria shënoi nga pika e bardhë për 1:1, në minutën e 25-të. Ndërsa Arkadiusz Milik shënoi gol tjetër për Juventusin në minutën e 34-t.

Atalanta u përgjigj me dy gola. Joakim Maehle shënoi në minutën e 46-të për 2:2. Lookman shtoi gol tjetër në minutën e 53-të për 3:2.

Një pikë Juventusi e siguroi me golin e Danilos të shënuar në minutën e 65-të.

Berat Gjimshiti luajti prej minutës së 83-të për Atalantan.

Atalanta është e pesta me 35 pikë. Juventusi është në vendin e nëntë me 23 pikë. Natyrisht pa 15 pikët që iu morën.