Gazetari dhe analisti Vehbi Kajtazi e ka cilësuar si tentim zhvatje nismën e Ministrisë së Infrastrukturës për “tiketa ngjitëse” në vlerë prej 5 euro për qytetarët, shkruan Insajderi.
“Taska shtesë prej 5 eurove për qytetarët është thjeshtë zhvatje, dhe me këtë është ndaluar një tentim zhvatje” – deklaroi ai.
Kajtazi këto komente i bëri në “Debat Plus”, ku prezente është Mimoza Kusari-Lila, e cila deklaroi se që nga fillimi e ka ditur që vendimi për taksën prej 5 euro ka qenë një “gabim apo nguti”.
“E vlerësoj që ka pasur një reagim nga vet ministri Liburn Aliu. E dyta do të zbardhen dhe të priten vendimet tjera për të parë të gjitha hapat që e kanë shtyrë zëvendësministrin Durmishi për të nënshkruar këtë marrëveshje”.