×
  • Lajme
  • Insajderi

    Kaq para i kushtoi shtetit të Kosovës ministri nga Lista Serbe në Qeverinë Hoti

    Insajderi
    13 May 2021 - 17:30

    Goran Rakiç nga radhët e Listës Serbe, në Qeverinë Hoti mbajti dy poste. Atë të zëvendëskryeministrit e ministrit të Administrimit të Pushtetit Lokal. Si ministër ka shpenzuar gjithsej 3 mijë e 295 euro nga buxheti i shtetit të Kosovës, vetëm për dreka, telefoni mobile e karburant.

    Gazeta Insajderi ka bërë kërkesë në Ministrisë e Administrimit të Pushtetit Lokal për të mësuar shpenzimet e ministrit nga radhët e Listës Serbe e kabinetit të tij.

    Rakiç vetëm për dreka, për shtatë muaj ka shpenzuar 2 mijë e 336 euro. Për telefoni mobile 359 euro. Shpenzimet më të larta krahasuar me telefoni mobile i pati për karburant. Ministri, sipas dokumentacionit të siguruar nga Insajderi, figuron se ka shpenzuar 598 euro e 51 cent.

    Kjo ministri ka pasur edhe dy zëvendësministre. Magbule Shkodra e Fatbardha Emini.

    Zëvendësministrja e MAPL-së, Magbule Shkodra ka shpenzuar 38 euro e 29 cent derisa Fatbardha Emini 465 euro e 90 cent.

    Emini harxhoi edhe 290 euro për telefoni mobile teksa tek Shkodra nuk figuron ndonjë shumë.

    Dy zëvendësministret shpenzimet më të larta po del se i kanë pasur për karburantin e veturave. Njëra ka shpenzuar 824 euro tjetra 564 euro.

    Derisa nuk janë bërë të ditura shumat se sa ka shpenzuar ministri dhe kabineti i tij për mëditje e reprezentacion.

    Më poshtë gjeni dokumentet e plota të shpenzimeve në Ministrinë Administrimit të Pushtetit Lokal, gjatë qeverisjes Hoti.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark