Në kujtim të 19-vjeçarit të ndjerë nga Gjilani, Engjëll Smërqaku, një vajzë nga Gjilani i ka kushtuar atij një këngë.
Kënga e interpretuar nga Saranda Sylejmani, është publikuar në rrjetin social Facebook nga Ultras “Skifterat”, tifo-grupit të cilit i kishte takuar Engjëlli.
Ata vazhdojnë ta kujtojnë mikut e tyre të ndjerë.
“Vazhdojmë të bashkndjejmë dhimbjen për humbjen e Engjëllit, me familjen dhe shoqërinë! Nën tingujt e kitarës, Saranda kujton Engjëllin, e kënga për të do të na përcjell gjithmonë në shkallët e stadiumit!”, kanë shkruar “Skifterat”.
19-vjeçari, Engjëll Smerqaku u gjetë i vrarë më 23 tetor para hymjes së banesës së tij në Gjilan.
Kur kanë kaluar shtatë ditë prej vrasjes së tij, organet e rendit gjenden ende nën kërkim të kryerësve të aktit kriminal.
I riu ishte pjesë e “Skifterave” tani e shumë vite.