Kërkesë e pazakontë të tifozëve shqiptarë në Maqedoninë e Veriut, kërkojnë tolerim nga Shkëndija për sfidën me Strugën.

Shkëndija e Tetovës e cila u shpall matematikisht kampione e Maqedonisë së Veriut javën e kaluar, po përballet me një lum komentesh në rrjete sociale me kërkesa nga tifozët shqiptar të Maqedonisë së Veriut.

Ditën e sotme skuadra tetovare do të zhvillojë sfidën e saj në orën 13:00  ndaj Strugës duke u përballur me një “derbi shqiptarësh”.

Për këtë tifozët shqiptarë nga Maqedonia e Veriut, duke parë që skuadra e Shkëndijes është shpallur matematikisht kampion i kanë kërkuar klubit kuqezi që Struga të triumfojë në këtë sfidë që klubet shqiptare të jenë lart në klasifikimin e përgjithshëm.