Shtatë zyrtarë komunal dhe dy biznesmen janë arrestuar pasditen e hënës pasi krimet ekonomike zbarkuan në Lipjan me vendim të Gjykatës Themelore në Prishtinë. Gazeta ka publikuar ekskluzivisht edhe emrat e personave tjerë të arrestuar.

Porkuori i Shtetit ka paraqitur kërkesë për caktimin e masës së paraburgimit të nëntë personave që janë arrestuar për veprën penale “Keqpërdorimi i pozitës apo autoritetit” dhe veprën penale të “Mashtrimit”.

Sipas njoftimit të prokurorisë, personat e arrestuar në cilësinë e personave zyrtar, si anëtarë të komisionit teknik kanë bërë pranimin e punimeve të stadiumit futbollistik në fshatin Magurë, Komuna e Lipjanit, kinse janë kryer punimet sipas kontratës së fituar nga një kompani.

Po ashtu, është ndaluar edhe një person, përgjegjës i kompanisë në fjalë. Ndërkaq, personat e lartcekur me këto veprime dyshohet se i kanë shkaktuar dëme buxhetit komunal në vlerë rreth 300 mijë euro.

Në mesin e të arrestuarve është edhe pronari i kompanisë përfituese, biznesmeni Metë Bytyqi. Sipas ARBK’së Bytyqi është pronar i dy kompanive që janë kontraktuar në fazën e dytë të punimeve për Rregullimin e stadiumeve në Dobrajë të Madhe dhe Magure, shkruan Gazeta Insajderi.

Operatorët Ekonomik, “KONAKU GROUP SH.P.K.” dhe “N.P. KONAKU”, kanë fituar tenderin e hapur nga komuna e Lipjanit në vlerë 118 114,03 Euro për rregullimin e stadiumeve.

Zyrtarët komunal të arrestuar kanë bërë pranimin e punimeve të stadiumit futbollistik në fshatin Magure Komuna e Lipjanit, kinse janë kryer punimet sipas kontratës së fituar nga kompania “Konaku Group Sh.p.k” pa u kryer fare.

Kush janë personat e tjerë të arrestuar

Gazeta Insajderi ka zbuluar emrat e nëntë personave të arrestuar:

Kushtrim Salihu

Xhelil Murati

Labinot Dedushi

Valzim Mziu

Ismet Jashanica

Enver Elshani

Rrahman Olluri

Metë Bytyqi

Driton Gashi