×
  • Lajme
  • Lajme / Kosovë

    Kica-Xhelili: Anuluan tender me 4.8 milionë për librat shkollorë, tash japin 6 milionë

    Insajderi
    30 August 2023 - 20:15
    Klikoni Këtu për t'u bërë pjesë e kanalit të Insajderit në Youtube.

    Deputetja e LDK-së, Doarsa Kica – Xhelili, e ka kritikuar Qeverinë e Kosovës në lidhje me vendimin për subvencionimin e teksteve shkollore për fëmijët.

    Ajo tha se ekzekutivi e kishte anuluar tenderin për librat shkollorë në vlerë prej 4.8 milionë eurosh, kurse tash, sipas saj, janë duke i dhënë 6 milionë për produktin e njëjtë.

    Kica-Xhelili u shpreh se me vendimin për subvencionim, prindërit po paguajnë më shtrenjtë për libra.

    “Anuluan tender me 4.8 milionë për librat shkollorë. Sot japin 6 milionë për PO atë produkt. Nga dikur 8 milionë në 13 si total, po kamuflojnë koston shtesë kinse në emër të materialeve tjera shkollore, sepse u dëshmua që librat po u kushtojnë prindërve më shtrenjtë se kur i kontraktonte Ministria me tender. Bonus: nervoza; koha; transporti”, tha ajo.

    Sipas saj, qeveria i thoshte bizneseve se po i zhvasin paratë publike me tender, po i japin “sërish të holla” me kosto shtesë.

    “Domethënë, atyre bizneseve që dikur thonin ‘po zhvatin para publike’ me tender, përmes subvencionimit po u japin sërish të holla, veçse me kosto shtesë. Por, duke i demonizuar po ato biznese. Domethënë JU bleni te ata, por NE nuk blejmë, veç ua japin të hollat me ndërmjetës. Pak më shumë besa, por s’ka gjë. E shesim ndërkohë si sukses”, tha ajo.

    Sipas deputetes së LDK-së, Lëvizja Vetëvendosje i sheh qytetarët e Kosovës si analfabetë.

    “Me shumë gjasë, e kanë shumë seriozisht konceptin ‘40% janë analfabetë funksionalë’. E kanë thënë. E kanë shkruar. E mendojnë. Llogarisin në këtë. Ndryshe nuk kuptohen veprimet e tyre”, tha ajo.

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark