Një ditë pas përfundimit të Festivalit “Sunny Hill” ka filluar pastrimi i Gërmisë. Dhjetëra punëtorë të angazhuar për ta kthyer në gjendjen e mëparshme.

Vendi në të cilin për katër ditë u mblodhën mbi 20 mijë persona që ishin pjesë e festivalit “Sunny Hill”, gjatë të hënës ka këtë pamje.

Kjo ngjarje kulturore përfundoi, e pas mbetën përplot mbeturina rrugëve të parkut të Gërmisë.

Shportat duket që nuk u shfrytëzuan për atë arsye që janë vendosur.

E dekori që i dha ngjyra këtij festivali për disa ditë rresht gjatë së hënës po largohet nga dhjetëra punëtorë.

Veç atyre që po kujdeseshin për ta rikthyer pamjen e zakonshme në Gërmi, lëvizjet e qytetarëve nuk ishin të shpeshta.

Gjendja në parkun e Gërmisë pas festivalit “Sunny Hill” një qytetari po i duket normale.

Mirëpo ndryshe mendon dikush tjetër.

E përveç mbeturinave që kryesisht ishin bërë nga produktet ushqimore, duket se dikush ka pasur nevojë edhe për shërbime mjekësore.

Pastrimi i parkut të Gërmisë ku u mbajt festivali pritet të përfundoj brenda dy ditësh.