Trajneri i Liverpoolit, Jurgen Klopp është shprehur i lumtur me triumfin në Kupën FA. Trajneri gjerman ka thënë se ndihet krenar me lojtarët e tij.

“E jashtëzakonshme, ishte një lojë e pabesueshme. Nuk mund të jem më krenar për lojtarët e mi, ndryshimin që ata bënë, sa fort luftuan. Treguam mentalitet prej një përbindëshi në këtë ndeshje. Dua të përgëzoj edhe Chelsean për lojën e treguar”, deklaroi Klopp.

Liverpooli e ka fituar Kupën FA për herë të tetë në histori. Të Kuqtë triumfuan pas ekzekutimit të penalltive, pasi koha e rregullt përfundoi baras 0:0 kundër Chelseat.

Në “Wembleyn” e stërmbushur, 120 minutat ishin të baraspeshuara, me të dyja ekipet që kishin raste të mira shënimi.

Por në penallti, Liverpooli triumfoi 6:5.