Trajneri i Liverpoolit, Jurgen Klopp triumfoi mbrëmë ndaj Chelseat, duke fituar edhe FA Cup.

Një moment që mori vëmendje të madhe ishte derisa Liverpooli po përgatitej të gjuante penalltitë në minutën e fundit të vazhdimeve, kamerat u fokusuan te Klopp, i cili po shikonte përdhe me një vështrim serioz në fytyrë.

Ndryshe, Klopp u bë trajneri i parë gjerman që fiton FA Cup, pas një triumfi me penallti kundër Chelseat të Thomas Tuchelit në ‘Wembley’.

54-vjeçari, i cili së fundmi nënshkroi kontratën e re me ‘Të Kuqtë’, tash ka fituar Premier Ligën, Ligën e Kampionëve, FA Cup, Kupën e Ligës, Super Kupën e UEFA-s dhe Kupën e Botës për Klube, që prej ardhjes në ‘Anfield’ në vitin 2015.