Kandidati për asamblist të Podujevës nga Partia Demokratike e Kosovës, Korab Zhugolli, ka ftuar qytetarët e kësaj komune të votojnë atë me numrin gjashtë.

Zhugolli ka premtuar se do të punojë gjashtë ditë në javë, në shërbim të qytetarëve.

“6 ditë në javë do punoj për ju. Në ora 6 fillon shërbimi im ndaj qytetarit të Podujevës”, ka thënë ai.

Ai ka thënë se ky numër është numër i fatit dhe një mundësi për fillimin e ndryshimit në Podujevë.

“Në muajin e 6 të shtatzanisë nëna dhe babai e dinë se çfarë gjinie ka fëmiu i tyre, pregatiten për emrin, shtratin dhe ngjyrat e dhomës. Në moshën 6 vjeçare, prindërit dhe e gjithë familja gëzohen që fëmiu i tyre po e fillon klasën e parë dhe e ardhmja është në duart e ti ose asaj. Në orën 6 në mëngjes shohim dhe diellin. Gjashtë është një simbol i besueshmërisë, besimit në aftësitë”, ka shkruar Zhugolli në Facebook.