×
  • Sport
  • Sport / Insporti

    Kosova i mbyll Lojërat Mesdhetare me gjashtë medalje, tri prej tyre të arta

    Insajderi
    05 July 2022 - 17:15

    Me garën e zhvilluar sot nga Alush Telaku në sportin e notit, Kosova e ka përfunduar aventurën e saj në Lojërat Mesdhetare Oran 2022.

    Telaku garoi në disiplinën 100 metra delfin, ku përfundoi në vendin e 19-të.

    Edhe njëherë, Kosovës fytyrën ia zbardhi sporti i xhudos që arriti t’i rrëmbejë pesë medalje, prej tyre tri të arta e dy të bronzta, krahas një të boksit, që ishte e bronztë.

    Të artën e fituan xhudistet Distria Krasniqi, Loriana Kuka dhe Laura Fazliu. Derisa të bronztën e morën xhudisti Akil Gjakova, xhudistja Flaka Loxha, e boksieri Shpëtim Bajoku.

    Në këto lojëra mesdhetare, vendi ynë u përfaqësua nga 39 garues, në 13 sporte të ndryshme.

    Kështu, sot përfundojnë garat, teksa të mërkurën do të jetë ceremonia mbyllëse, e pas përfundimit të saj, ekspedita kosovare niset drejt vendlindjes. 

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark